1982 жылы 7 ақпанда Қызылорда қаласында дүниеге келдім. №187 орта мектепті үздік аяқтап, мектептің қоғамдық шарасына белсене қатыстым. 1998 жылы М.Мәметова атындағы Қызылорда педагогикалық колледжінің «Бастауыш сыныпта оқыту» мамандығын 2001 жылы үздік аяқтадым. 2002 жылы әл-Фараби атындағы Қазақ ұлттық университетінің лингвистика мамандығына оқуға түстім. Студент бола тұра көптеген конференцияларға қатыстым, белсене студенттік өмірге ат салыстым. 2006 жылы оқуды аяқтап, аталған университетте «Аударма ісі» мамандығына магистратура бөліміне түсіп, 2008 жылы үздік аяқтадым. 2009 жылы «Лингвистика, психолингвистика және билингвистика» мамандығына докторантураға түстім. Оқу барысында 2 рет Отта-фон-Герике (Германия, Магдебург 2010, 2011) университетінде ғылыми тағылымдамадан өттім. Бірнеше ғылыми мақалаларым жарық көрді. 2010 жылы МГЛУ-да (Мәскеу, Ресей) тәжірибеден өттім. 2014 жылы «Гастрономиялық лексиканың кросс-мәдени енуі» атты тақырыпта докторлық диссертацияны сәтті қорғап шықтым. 2012 жылдан кафедрада оқытушылық қызмет атқарып келемін.